Plantun de Prouvènço

Pèr coumpara dos planto d'encò nostre

Saxifraga moschata & Artemisia umbelliformis

Sassifrago(-muscado)

Saxifraga moschata

Saxifragaceae

Autre noum : Sassifrajo.

Nom en français : Saxifrage musquée.

Descripcioun :
La sassifrago-muscado trachis en couissin dins lis aùti mountagno de Prouvènço sus cauquié. Flouris belamen l'estiéu. Li flour soun blanco emé lou cèntre jaune e li petalo se tocon pas, au contro de la sassifrago-regado, Saxifraga exarata que ié sèmblo proun. Li fueio di tres partido soun regado soulamen sus lou tros dóu mitan (e pas toujour fin qu'au bout), alor que li de sa cousino soun tóuti tres regado en plen. Apoundèn que li fueio di ramo esterlo soun entiero (fotò). Coumpara emé la sassifrago-regado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 12 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco Jauno
Petalo : 5
Ø (o loungour) flour : 0,6 à 1 cm
Flourido : Printèms - Estiéu

Sòu : Ca
Autour basso e auto : 1600 à 3200 m
Aparado : Noun
Jun à avoust

Liò : Baus - Roucas - Tepiero roucaiouso
Estànci : Subaupen à Aupen
Couroulougi : Ouroufito-Éurasiatico
Ref. sc. : Saxifraga moschata Wulfen, 1781

Genèpi-blanc

Artemisia umbelliformis

Asteraceae Compositae

Noms en français : Genépi jaune, Genépi blanc.

Descripcioun :
Lou genèpi-blanc se rescontre dins li roucaio e esboudèu d'auto mountagno. Se recounèis à si fuio e si lòngui cambo pelouso de pichòti flour jauno coumpausado. La recordo èi limitado à un centenau de brout (èi deja forço) e fau leissa sus cado planto quàuqui flour pèr que posque faire si grano.

Usanço :
Se saup proun que lou genèpi sèr pèr adouba la liquour dóu meme noum. Ei peréu bon en tisano "pèr lou chaut e frèi" ; pamens la fau pas faire trop forto que "t'achapo lou bàti-couor" (J.-L. Domenge in LMT, op.cit. p. 59). Ajudo à la digestioun, e bon contro lou tussi e li fèbre. Èi peréu vertuous contro li plago e macaduro. "Qu a de genepi' n'a rè besoun de medeci' Ibid.".

Port : Erbo
Taio : 5 à 20 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Artemisia
Famiho : Asteraceae
Famiho classico : Compositae

Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Estiéu

Sòu : Si
Autour basso e auto : 2200 à 3000 m
Aparado : Vo
Remarco : Meno aparado
Juliet à avoust

Liò : Roucas - Paret - Roucaio - Esboudèu
Estànci : Subaupen à Aupen
Couroulougi : Ouroufito-Sud-Èst-Éuropo
Ref. sc. : Artemisia umbelliformis Lam., 1783

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Saxifraga moschata & Artemisia umbelliformis

ges

Coumpara Sassifrago(-muscado) emé uno autro planto

Coumpara Genèpi-blanc emé uno autro planto